東華三院廟宇及文化推廣服務網站

東華三院一向積極推動中華傳統文化保育的多元發展，早前聯同「羅勤芳中華禮儀」及「玲瓏文化」舉辦嘅「談婚論嫁：中華婚慶禮儀系列」講座與工作坊，已經順利完成，感謝大家踴躍參與！

 6月20日講座（一）「各處鄉村各處例：香港非遺傳統婚嫁儀式」
由星級大妗姐羅勤芳女士（專業大妗有限公司及羅勤芳中華禮儀創辦人）主講，帶大家從「各處鄉村各處例」出發，認識香港不同族群嘅婚嫁特色——從水上人婚俗中嘅海上生活痕跡、圍頭婚俗嘅村落共同體意識，到客家婚禮對勤儉、秩序與家庭責任嘅重視。原來一場傳統婚禮，藏著咁多香港故事！

 同日講座（二）「成家之道：從婚俗看中華家庭觀與倫理秩序」
由楊秀玲女士（玲瓏文化創辦人）主講，從「男婚女嫁，成家立業」出發，探討中華婚俗文化所承載嘅家庭觀與倫理秩序——唔止係人生階段嘅轉換，更體現以家庭為本嘅傳統價值‍。

 7月4日工作坊「舌尖上的中華婚俗文化」
喺東華三院創活MM²暨也文也武館（灣仔皇后大道東127號）呢個中華文創咖啡店嘅輕鬆氛圍中，參加者一邊品嘗喜餅甜茶，一邊探索婚俗文化嘅意義，用味覺感受傳統之美！

再次多謝兩位講者嘅精彩分享，以及每一位參與嘅朋友！東華三院會繼續透過多元活動，將中華傳統文化推廣至社會各階層，讓文化融入日常生活。