2023年06月01日
多謝大家一直以來嘅支持，話咁快「東華三院文頴怡中華文創設計獎」已經嚟到第三屆喇🥳今屆比賽主題係家傳戶曉嘅「關帝」，作品形式不限！
今屆除咗「公開組」之外，仲首次增設「中學及大專學生組」。只要你係香港嘅中學或大專院校全日制學生，就可以個人或者團體名義參賽喇。冠、亞、季軍及優異獎優勝者除會獲得獎金及獎狀外，作品更會有機會量產同係店內上架售賣！
✨比賽報名日期：2023年6月1日(星期四)至2023年10月16日(星期一)
✨如果想了解更多有關比賽既流程同參賽細則，可以參閱章程簡介（章程下載請按此），亦可致電創活MM²（電話︰2435 0240）聯絡查詢。
等我哋重溫一下第二屆優秀嘅得獎作品！
冠軍得獎作品 -供品（薛竣鴻）
亞軍得獎作品 -清皇鳥居（葉鍵恒）
季軍得獎作品 - 載善、竹杯（甘泳賢）、吉肖（關文達）
優異得獎作品 - 圓方四季杯（陳維）、便攜式中式傳統茶具（梁恬思）、求籤紙杯（洪湘柔）
