2021年04月21日
每年農曆三月廿三為天后娘娘誕辰。為咗慶祝呢個重要嘅節日，東華三院將會喺當日（亦即新曆5月4日）舉辦九龍區大型天后誕活動─「油麻地天后誕」，承傳本土傳統文化。
當日會進行傳統「敬蓋吉璽儀式」同難得一見的「花炮衝神儀式」，酬謝神恩同時慶賀天后娘娘誕辰。
儀式過後會有多項表演，包括醒獅、落地粵劇同變臉，仲有扇面書法、剪紙、扭氣球同傳統小食攤位，希望加深市民對中國傳統文化同非物質文化遺產嘅認識。此外，東華三院亦安排咗兩場免費天后廟群導賞活動，由程尋香港嘅溫佐治先生帶領參加者認識傳統廟宇文化同油麻地天后廟群歷史。
有咁多精彩嘅活動，大家記得唔好錯過呀！
「油麻地天后誕」活動詳情如下：
日期：2021年5月4日 (星期二)
時間：上午10時至下午4時
地點：九龍油麻地廟街眾坊街天后廟
＊活動當日按政府公佈最新防疫要求，將可能實施各項措施及聚集限制，或取消活動，以現場工作人員指示作準。
