2024年01月04日
//《破．地獄》以香港殯儀業為題材，拍攝均在殯儀館及義莊實地取景，實為香港電影的一大突破。能夠實地取景，陳茂賢導演分享到籌備的過程：「譬如我哋搵東華三院畀我哋拍殯儀館或者義莊，其實本身佢哋唔肯借畀商業片去拍。因為佢哋問我哋攞完整劇本睇咁滯，睇完個劇本就覺得可以（借出場地）喇！」
陳茂賢導演亦表示，《破．地獄》除了於靈堂等較常見的環境取景外，亦呈現到殯儀業較不為人知的地帶：「佢哋都同我講真係冇畀過香港電影拍，因為我哋唔係剩係拍靈堂，而係拍殯儀館後面工作人員出入嘅地方，平時唔會畀大家見到。」他亦續指：「好難得，因為譬如東華三院義莊，過百年歷史嘅棺木都擺咗喺到，有需要都可以拍。其實我都唔知香港有義莊，都係做完資料搜集先知道。」//
