2020年11月24日
濟公鋤強扶弱嘅俠義精神深入民心，嫌周星馳主演嘅濟公電影睇太多見悶？黛安收到風，東井圓佛會今年趁2020國際濟公文化節，將濟公文化傳入香港嘅演變製作成短片，大家有興趣不妨上網瀏覽
濟公作為內地著名活佛，形象破格、濟世為懷，喺中國民族故事中，同抱打不平嘅梁山好漢、鐵面無私嘅包公，三者並列傳奇。相信唔少港人都唔知濟公文化喺上世紀40年代由潮州一帶傳入香港，上環太平山街濟公廟，原本唔係廟宇，濟公亦係後期才被搬入去，相信可以借了解濟公事迹發展，了解香港早期華人社會發展景況，真係一舉兩得。
