東華三院廟宇及文化推廣服務網站

篤撐、篤撐、查篤撐！粵劇開鑼喇！戲班響戲院開台嘅第一晚，或者做神功戲時，都會喺上演正本戲（即故事情節完整的長劇）前，先演出一啲儀式性嘅短劇，即係「例戲」。香港節誕嘅神功戲一般會先以寓意吉祥嘅例戲如《八仙賀壽》、《六國大封相》、《加官》等開場。除咗喺戲台上演出之外，戲班有時都有到廟宇神壇前表演，例如前年天后誕（農曆三月廿三）喺油麻地天后廟，就有演出例戲《八仙賀壽》、《加官》同埋《仙姬送子》賀誕。粵劇例戲嘅歷史非常悠久，喺華人社區就以香港保存得最完整，演出場次仲係最多添。